ІІМ Қазақстан мен Ресей шекарашылары арасындағы қақтығыс туралы ақпаратқа қатысты түсінік берді

Әлеуметтік желілерде Қазақстан мен Ресей шекарашылары арасындағы қақтығыстың салдары түсірілген видео тарап жатыр. ҚР Ішкі істер министрлігі бұл ақпаратқа қатысты түсінік берді, деп хабарлайды Zakon.kz stopfake.kz-ке сілтеме жасап.

Видеода әскери киімдегі адамдар және әскери техника көрсетілген.

Ал кадр сыртындағы адамның айтуынша, қақтығыс Қостанай облысында болған, қазір онда техника тартылып жатыр.

ІІМ-нің хабарлауынша, мұның бәрі жалған.

"Қазақстан Республикасының ІІМ Қостанай облысындағы шекарадағы арандату туралы әлеуметтік желілерде таралған ақпарат шындыққа жанаспайтынын және жалған болып табылатынын хабарлайды. Видеода биыл 8 қыркүйекте Қостанай қаласы аумағында өткен жоспарлы далалық сабақтарға бара жатқан ҚР ІІМ Ұлттық ұлан автокөлігінің колоннасы көрсетілген. Көрінеу жалған ақпарат таратқаны үшін қылмыстық жауапкершілік қарастырылғанын еске саламыз", - деп хабарлады ведомствоның баспасөз қызметі.

Оқи отырыңыз

Ақтөбеде 10 жасар қыз алаяқтардың құрбаны болды

17:36, 19 қыркүйек 2023

20 қыркүйекте елімізде күн райы қалай құбылады

17:10, 19 қыркүйек 2023

СҚО полицейлері синтетикалық есірткінің аса ірі партиясын жеткізудің жолын кесті

16:43, 19 қыркүйек 2023