Хакер Жамбыл облысындағы халыққа қызмет көрсету орталығының мәліметтер базасын бұзды

Тергеу барысында анықталғандай, 2023 жылдың қыркүйегінде белгісіз біреу ХҚО мәліметтер базасына кіріп, теориялық және практикалық емтихандарды тапсыра алмаған тұлғаларға 35 жүргізуші куәлігін берген. Барлық құжаттарды сот жарамсыз деп таныды, деп хабарлайды Zakon.kz.

Осы факті бойынша ҚР ҚК 385-бабының 1-бөлігі, 190-бабының 3-бөлігі 4-тармағы бойынша сотқа дейінгі тергеу басталды.

Жуалы аудандық сотының баспасөз қызметі бейтаныс киберқылмыскердің ақшалай сыйақы алу үшін көлік жүргізу құжаттарын таратып жүргенін хабарлады.