Хайнань аралында демалушы 80 мыңнан астам турист еліне қайта алмай қалды

Хайнань аралында коронавирусқа байланысты енгізілген локдаун кесірінен 80 мыңнан астам турист үйлеріне орала алмай, тығырыққа тірелді, деп хабарлайды Zakon.kz.

Санья қаласында 6 тамыздан бастап локдаун енгізілген. 80 мың туристтің шамамен 32 мыңы қонақ үйлерден шыға алмай қалған. Олар коронавирусқа қарсы ПТР тест тапсырып, жеті күннен кейін нәтижесі жақсы болса, елден кете алады, деп хабарлайды Associated Press.

Осы жағдайға байланысты қаладағы қонақүйлер бағасын 50 пайызға дейін арзандатуға мәжбүр.  

Жергіліктің БАҚ хабарлауынша, 6 тамызда Санья қаласындағы халықаралық әуежайда 333 рейс кейінге қалдырылып, пойыздарға билет сату тоқтатылған.