Грекия аралын қан-қызыл аспан жапты

Грекияның Крит аралын Сахара шөлінен келген шаңды дауыл басып, арты торнадоға ұласты. Соның салдарынан Пасха мерекесіне арналған әуе рейстері басқа бағыттарға ауыстырылып, аспан қорқынышты қызыл және қызғылт сары түске боялған, деп хабарлайды Zakon.kz.

ProtoThema English мәліметінше, Ираклион әуежайының көріну деңгейі күрт төмендеген. Осыған байланысты кемінде екі ұшақ басқа әуежайларға қонуға мәжбүр болған. Деректер бойынша, көріну шамамен 1000 метрге дейін төмендеген. Бұл – ұшақ қонуы үшін қауіпті деңгей, сондықтан рейстер кешіктіріліп, бағыттары өзгертілген.

A rare red sandstorm has swept across Crete (Greece) and Libya, turning the skies a dramatic shade of red. It’s expected to move toward Egypt and nearby regions in the coming hours. The footage from Greece and Libya today shows the real scene no filters involved. pic.twitter.com/8M33jVbwJp

— Shailesh Pal (@pallshailesh55) April 1, 2026

Сонымен қатар, толқындар Иерапетра қаласының ескі бөлігіндегі үйлерге дейін жеткен. Ал Пахия-Аммос ауданында торнадо жүк көлігін аударып тастаған. Африкадан келген шаң бүкіл Крит аралын толықтай жауып қалған.

"Қазір Ираклион Сахараны еске түсіреді: қала африкалық шаң "пердесіне" оранған, портты көру мүмкін емес. Құбылыс дәл қазір ең жоғары шегіне жетті. Ауадағы шаңның көптігі дем алуды қиындатып отыр. Күннің екінші жартысында бұл жағдай біртіндеп әлсірейді деп күтілуде", – делінген хабарламада.

FREAKY: Red Sandstorm has reached Greece... pic.twitter.com/fGIS1H9Ija

— DramaAlert (@DramaAlert) April 1, 2026

Билік тұрғындарды сақ болуға, қажетсіз жолға шықпауға және көлік жүргізгенде барынша мұқият болуға шақырды.

Кешке қарай жағдай біртіндеп жақсарады деп күтілуде. Алайда бейсенбі күні шаңның жаңа толқыны қайта келуі мүмкін.

Greek island is cloaked by Saharan dust storm and hit by tornados with Easter holiday flights diverted and sky turning eerie red and orange https://t.co/364lA4QcrW

— Daily Mail (@DailyMail) April 1, 2026

Бұған дейін жанармай бағасының қашан төмендеуі мүмкін екені белгілі болғанын жазғанбыз.