Ғалымдар қандай әйелдерде сүт безі обырының даму қаупі 2,7 есе жоғары екенін анықтады

10:25, 14 мамыр 2025

© Фото: Zakon.kz

20 жастан кейін артық салмақ қосқан және алғашқы баласын 30 жастан кейін босанған әйелдер сүт безі обырына 2,7 есе жиі шалдығады, деп хабарлайды Zakon.kz.

Бұл тұжырымды Манчестер университетінің британдық ғалымдары жасаған. Олар зерттеу нәтижесін 2025 жылғы Еуропалық семіздік конгресінде (ECO 2025) ұсынды.

Зерттеу PROCAS жобасы аясында жүргізілді және 50 мыңға жуық әйелді қамтыды. Орташа бақылау мерзімі 6,4 жыл болды, осы уақыт ішінде сүт безі обыры 1702 қатысушыда анықталды.

Аты жаман ауру көбіне екі фактор бірдей кездесетін әйелдерде тіркелген. Яғни, есейе келе салмақ жинаған әрі жүктілік болмаған немесе кешірек ана атанған нәзік жандылардың ауруға шалдығуы өзге санаттарға қарағанда үш есе жоғары.

Бұған дейін, наурыз айының басында, министр Саясат Нұрбектің мәліметіне сүйене отырып, Қазақстанда қатерлі ісікке қарсы дәрі жақын арада нарыққа шығуы мүмкін екенін жазған болатынбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!