Еуропадан АҚШ-қа дейін: шетелдегі қазақстандықтар Құрылтай депутаттарын сайлауда дауыс беріп жатыр

2026 жылғы 23 тамызда шетелдегі Қазақстан азаматтары Құрылтай депутаттарын сайлауда дауыс беруді жалғастырып жатыр, деп хабарлайды Zakon.kz.

Бұл туралы ҚР Сыртқы істер министрлігі мәлімдеді:

"Қазақстан азаматтары Еуропаның бірқатар елдерінде, соның ішінде Австрия, Бельгия, Германия, Испания, Италия, Венгрия, Словакия, Франция, Швейцария, Ұлыбритания және Португалиядағы сайлау учаскелерінде дауыс беруді жалғастырып жатыр".

Сондай-ақ Сыртқы істер министрлігінің хабарлауынша, Бразилия, Канада және АҚШ-тағы сайлау учаскелері де өз жұмысын бастады.

Бұған дейін Орталық сайлау комиссиясы 23 тамыз сағат 16:00-дегі жағдай бойынша 8 240 336 қазақстандықтың бюллетень алғанын жазған болатынбыз. Бұл сайлаушылар тізіміне енгізілген азаматтардың жалпы санының 65,37%-ын құрайды.