Есірткі сатумен айналысады деген күдікпен шымкенттік әйел ұсталды

18:51, 30 қараша 2023
94

© Сурет: polisia.kz

Өзімен бірге заңмен тыйым салынған затты алып жүрген әйелді полицейлер Сарыағаш қаласынан ұстады, деп хабарлайды Zakon.kz.

Өңірлік ПД баспасөз қызметінің хабарлауынша, тексеру кезінде оның сыртқы киімінің қалтасынан ішінде ұнтақ тәрізді есірткіге ұқсас заты бар 18 дана орама табылды. Тұрғынның үйін тінту кезінде синтетикалық есірткіге ұқсас заты бар тағы екі орама, электронды таразы мен басқа да айғақты заттар тәркіленді.


"Зерттеу қорытындысына сәйкес, тәркіленіп алынған зат салмағы 20 грамнан асатын мефедрон болып шықты", делінген полиция хабарламасында.

ҚР ҚК-нің 297-бабы бойынша іс тіркелді. Сотқа дейінгі тергеу амалдары жүргізілуде. Күдікті қамауға алынды.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!