Есілде мұз жарылып, суға батқан ер адам көз жұмды

Ақмола облысында Есіл өзенінде мұз жарылып, ер адам суға түсіп көз жұмды, деп хабарлайды Zakon.kz ҚР ІІМ Төтенше жағдайлар комитетіне сілтеме жасап.

- 19 қарашада Төтенше жағдайлар министрлігінің күштері Ақмола облысы Атбасар ауданындағы Тельман ауылынан екі шақырым жерде Есіл өзенінен 1954 жылы туылған ер адамның өлі денесін судан алып шықты, - деп хабарлады төтеншеліктер.

Куәгерлердің айтуынша, мұз жарылып, ер адам суға кеткен. Өлімнің мән-жайы анықталуда.

ҚР ІІМ Төтенше жағдайлар комитеті азаматтарды қазір мұз үстінде жүру өте қауіпті екенін ескертеді. Қарашадан желтоқсанға дейінгі өзен бетіндегі мұз жұқа болып келеді.