Есік пен қабырғаны сындырған: Астанада қоғамдық тәртіпті бұзған үш тұрғын жазаланды

Астанада құқық қорғау органдары қоғамдық тәртіпті бұзғандарды анықтап, оларды жауапқа тартты, деп хабарлайды Zakon.kz.

Астана әкімдігінің хабарлауынша, 4 қараша күні таңғы сағат 5 шамасында 29 жастағы астаналық қонақ үйдің алдыңғы есігін сындырып, бөтеннің мүлкін қасақана бүлдірді.

Сол күні сағат 20:30 шамасында елорданың ойын-сауық орындарының бірінде 33 жастағы қала тұрғыны жанжал шығарды. Ашу үстінде ол бөлменің есігі мен қабырғасын әдейі зақымдаған. Осы ісімен шамамен 100 АЕК мөлшерінде материалдық шығын келтірді.

Посмотреть эту публикацию в Instagram

Публикация от ASTANA (@akimat__astana)

Тағы бір оқиға 11 қарашада түскі уақытта болды. 34 жастағы ер адам қоғамдық орында өзін дөрекі ұстап, өзгелерді қорлаған.

Қоғамдық тәртіпті бұзушылардың бәрі табылып, жауапқа тартылды.