Ерекше мәртебесі бар жоғары оқу орны оқытушыларының еңбекақысы жаңаша есептеледі

10:47, 9 тамыз 2022

194

© Сурет: Zakon.kz

Қазақстан үкіметінің 2022 жылғы 5 тамыздағы қаулысымен жоғары және жоғары оқу орнынан кейінгі білім беру ұйымдарының ерекше мәртебесі туралы ережеге өзгерістер енгізілді, деп хабарлайды Zakon.kz.

Атап айтқанда, арттыру коэффициенті заңнамада айқындалатын Қазақстан Республикасы президентінің жанындағы Мемлекеттік басқару академиясын, Қазақстан Республикасы Жоғарғы сотының жанындағы Сот төрелігі академиясын қоспағанда, ұйымдық-құқықтық нысанына қарамастан, ерекше мәртебесі бар жоғары және (немесе) жоғары оқу орнынан кейінгі білім беру ұйымдарының профессор-оқытушылар құрамының және басшы жұмыскерлерінің лауазымдық айлықақылары лауазымдық айлықақылардың белгіленген мөлшерлеріне 1,2 арттыру коэффициенті есепке алынып айқындалады.

Бұл ретте ұйымдық-құқықтық нысанына қарамастан, денсаулық сақтау саласындағы ерекше мәртебесі бар жоғары және жоғары оқу орнынан кейінгі білім беру ұйымдарының профессор-оқытушылар құрамының және басшы жұмыскерлерінің лауазымдық айлықақылары лауазымдық айлықақылардың белгіленген мөлшерлеріне 1,75 арттыру коэффициенті есепке алынып айқындалады.

Ұйымдық-құқықтық нысанына қарамастан, мәдениет және өнер саласындағы ерекше мәртебесі бар жоғары және (немесе) жоғары оқу орнынан кейінгі білім беру ұйымдарының профессор-оқытушылар құрамының және басшы қызметкерлерінің лауазымдық айлықақылары лауазымдық айлықақылардың белгіленген мөлшерлеріне 3,5 арттыру коэффициенті есепке алынып айқындалады.

Қаулы 2022 жылғы 19 тамызда күшіне енеді және 2022 жылғы 1 қаңтардан бастап туындаған қатынастарға қолданылады.

Оқи отырыңыз

Лингвистикадан өткен олимпиадада Қазақстан алғаш рет бірден 2 медаль жеңіп алды

Оқу жылының алдында «Мектепке жол» акциясы басталды

Нұр-Сұлтанда халықтың әлеуметтік осал тобындағы талапкерлерге оқу ақысы төленеді

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!