Ердоған Тоқаевқа жер сілкінісі салдарын жою кезінде көрсеткен көмегі үшін алғыс айтты

© Сурет: akorda.kz
Мемлекет басшысы Қасым-Жомарт Тоқаевтың атына Түркия Президенті Режеп Таийп Ердоғанның алғыс хаты келіп түсті, деп хабарлайды Zakon.kz.
Түркия Президенті Режеп Таийп Ердоған өзінің хатында Түркияның Қахраманмараш провинциясы мен басқа да елді мекендеріне орасан зор зардабын тигізген жойқын жер сілкінісіне байланысты бауырлас елдің қайғысына ортақтасып, көңіл айтқаны, сондай-ақ жедел көмек көрсеткені үшін Мемлекет басшысы Қасым-Жомарт Тоқаевқа Түркия халқының және жеке өзінің атынан алғыс айтқан.
"Осындай табиғи апат кезінде достас елдердің жанымыздан табылуы қиындыққа қарсы тұруға күш береді. Қазақстанның берген жәрдемі жер сілкінісінің ауыр салдарымен күрес кезінде халқымызға зор қолдау болды. Еліңіздің іздестіру-құтқару тобы үйінді астында қалған адамдарды аман сақтап қалу үшін аянбай еңбек етіп, ерік-жігер танытқанын әрдайым ризашылықпен еске аламыз", – деп жазылған алғыс хатта.
Сонымен қатар Режеп Таийп Ердоған Қасым-Жомарт Тоқаевқа және достас әрі бауырлас Қазақстан халқына амандық пен бақ-береке тіледі.
6 ақпанда Түркия мен Сирияда он мыңдаған азаматтардың өмірін қиған қатты зілзала болды.
Сол күні Қазақстан Президенті Қасым-Жомарт Тоқаев Үкіметке Түркияға шұғыл көмек көрсетуді тапсырды. Қазақстандық құтқарушылар мен дәрігерлер зардап шеккен аймақтарға аттанды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:24, 30 қараша 2023
Қазақстан мектептерінде оқушылардың смартфон пайдалануын шектемек
-
13:11, 30 қараша 2023
Салық кодексіне енгізілген өзгертулер мәжіліске қайтарылды
-
12:53, 30 қараша 2023
Өнеркәсіп министрлігі: Үкімет пен ArcelorMittal арасындағы мәміле соңына жақындап қалды
-
12:39, 30 қараша 2023
Қазақстанда елді мекендердегі автобустардың жылдамдығы шектелмек
-
12:25, 30 қараша 2023
Түркістан облысының полицейлері 9 жыл бойы халықаралық іздеуде жүрген шетелдік азаматты ұстады