Эльжана Тәниева Әлем кубогінің соңғы кезеңіне қатысады

Көркем гимнастикадан Қазақстан командасының үздігі Эльжана Тәниева Италияның Милан қаласында өтетін әлем кубогінің соңғы кезеңіне қатысады, деп хабарлайды Zakon.kz olympic.kz-ке сілтеме жасап.

Дүбірлі дода 21-23 маусым аралығында өтеді. Қазақстан сапынан тек бір спортшы бақ сынайды.

Айта кетелік, Эльжана Таниева Париж Олимпиадасында өнер көрсетеді. Ол Ташкентте (Өзбекстан) өткен Азия чемпионатында квота жеңіп алған болатын.

Таниева ұлттық құраманың бас бапкері Әлия Юсупованың жетекшілігімен жаттығады.