Еліміз бойынша 1 қазанға арналған ауа райы болжамы

16:54, 30 қыркүйек 2023

© Сурет: pixabay

"Қазгидромет" РМК Қазақстан аумағы бойынша 1 қазанға арналған синоптикалық жағдайдың болжамын ұсынды, деп хабарлайды Zakon.kz.

Синоптиктердің болжамы бойынша, республикамыздың шығысында, оңтүстік-шығысы мен орталық аймақтарында жаңбыр жауады. Еліміздің қалған бөлігінде жауын-шашынсыз ауа райы күтіледі.

"Қазақстанның шығыс, оңтүстік-шығыс, орталық өңірлерінде әлі де жаңбырдың жаууына ықпал ететін төмен қысымды өрістер мен атмосфералық фронттар жүреді, түнде Шығыс Қазақстан облысының таулы аудандарында жауын-шашын (жаңбыр, қар) болады. Еліміздің қалған аумағында антициклон әсерінен ауа-райы жауын-шашынсыз болады. Республикамыз бойынша тұман тіркеліп, оңтүстік-шығыс, күндіз орталық өңірде екпінді жел тұрады деп күтіледі". "Қазгидромет" РМК

Түнде Солтүстік Қазақстан облысының солтүстік-шығысында сынап бағаны 1 градус суықты көрсетеді деп күтіледі.

Түркістан облысында, Қызылорда өңірінің орталығында, шығысында, оңтүстігінде төтенше өрт қаупі сақталады.

Жамбыл, Қарағанды облысының оңтүстігінде және Ұлытау облысында өрт қаупті сақталады, Маңғыстау облысының солтүстік-батысында, орталығында, оңтүстігінде өрт қаупі жоғары болады деп күтіледі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!