Әлібек Қуантыров қымбат вискиді мысалға келтіріп, байлық салығы қандай болатынын түсіндірді

19 қыркүйек күні үкіметте өткен баспасөз мәслихатында Ұлттық экономика министрі Әлібек Қуантыров қымбат алкогольді мысалға ала отырып, байлық салығы қандай болатынын түсіндірді, деп хабарлайды Zakon.kz.

Министрдің айтуынша, министрлік Қазақстан азаматтарының иелігінде қанша яхта, ұшақ пен қымбат көліктер бар екені туралы есеп жүргізді. Оған қоса ол премиум алкогольге де салық салынатынын ескертті.

"Біз оны мың есе арттырамыз. Мысалы, 7 миллион теңге тұратын 50 жыл сақталған Macallan-ды алып көрейік. Қазір оған акциз - 700 теңге. Біз оны мың есе арттырып, оның бағасының шамамен 10%-ын қосамыз. Байлық салығы жалпы халықтың аз бөлігін алып тұрған адамдарға қатысты".Әлібек Қуантыров

Қазақстанда 2024 жылдан бастап байлық салығын енгізу жоспарланып отыр. Қазір министрлік тым қымбат тауарларға салық салуды күшейту бойынша жұмыс істеп жатыр.

Оқи отырыңыз

19 қыркүйектегі саудада доллар бағамы 471 теңгеден асты

16:00, 19 қыркүйек 2023

Қазақстанда бұрын тараған алаяқтық қайта қолданылып жатыр

15:34, 19 қыркүйек 2023

Декларацияның қабылданғанын қалай білуге болады

09:45, 19 қыркүйек 2023