Әлемдегі ең арзан металл белгілі болды

Қорғасын – әлемдік нарықта ең арзан металл болып саналады. Қазіргі уақытта оның бағасы бір тоннасына шамамен 2 000 АҚШ долларына да жетпейді, деп хабарлайды Zakon.kz.

"Известия" басылымының мәліметінше, бұл туралы Гайдар институтының халықаралық үздік тәжірибелерді талдау зертханасының меңгерушісі Антонина Левашенко айтқан.

"Әлемдік нарықта сатылатын ең арзан металл – қорғасын. Оның бағасы бір тоннасына шамамен 1 800–1 990 доллар аралығында", – деді ол.

Бағаның төмендеуі негізгі тұтыну салаларында сұраныстың азаюымен байланысты. Атап айтқанда, аккумулятор батареяларын өндіру мен автомобиль өнеркәсібінде қорғасынға сұраныс төмендеген. Бұл салаларда оның орнына никель мен литий қолданыла бастады.

Металл қорғасын-мырыш және полиметалл кендерін өндіру кезінде алынатын концентраттардан өндіріледі. Әлемдегі ең ірі өндіруші ел – Қытай, оның үлесі 42,3%-ды құрайды. Сондай-ақ үздік бес елдің қатарына Австралия (10,2%), Перу (5,9%), АҚШ (5,8%) және Ресей (5,4%) кіреді.

Ең ірі қорғасын кен орындары Ресей, Қытай және Австралия аумақтарында шоғырланған.

Бұған дейін Қытайда бірден үш қаланы қосқан 55 шақырымдық алып құрылыс салынғанын жазғанбыз.