Дзюдодан ерлер арасында Мағжан Шамшадин қола медальға таласатын болды

Қазақстандық дзюдошы Мағжан Шамшадин Ханчжоуда (ҚХР) өтіп жатқан Азия ойындарының жартылай финалында Оңтүстік Корея балуаны Харим Лиге жол беріп қойды, деп хабарлайды Zakon.kz.

ҚР Туризм және спорт министрлігі баспасөз қызметінің мәліметінше, енді жерлесіміз қола жүлде үшін Мехрзод Суфиевпен (Тәжікстан) белдеседі.

Алдында дзюдодан әйелдер арасында Әбиба Әбужақынова финалға шыққанын, ол жапон балуаны Натсуми Тсунодомен алтын медаль үшін таласатынын хабарлаған болатынбыз.