Дина Исламбекова екі нокдаунмен Азия чемпионы атанды

Моңғолияның Ұлан-Батор қаласында әйелдер арасындағы 2026 жылғы бокстан Азия чемпионаты аяқталды. Финалдық жекпе-жекте қазақстандық боксшы Дина Исламбекова тамаша өнер көрсетіп, чемпион атанды, деп хабарлайды Zakon.kz.

Отандасымыз 80 келіден жоғары салмақ дәрежесінде үндістандық Алфия Патханмен кездесті.

Жекпе-жектің алғашқы минуттарынан-ақ Исламбекова басымдық танытып, қарсыласын нокдаунға түсірді.

Үшінші раундта ол сәтті комбинациясын қайталап, төреші тағы да есеп ашты. Нәтижесінде, Дина Исламбекова Азия чемпионы деп жарияланды.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Осылайша, ол Қазақстан әйелдер құрамасының қоржынына екінші алтын медальді салды. Бұған дейін Надежда Рябец те Азия чемпионатының жеңімпазы атанған болатын.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Сонымен қатар, Бахыт Сейдіш күміс медаль иеленді. Ал қола жүлдені Айгерим Саттыбаева мен Валентина Хальзова жеңіп алды.