Дауылды ескерту. Төрт облыс мен Нұр-Сұлтанда ауа-райы бұзылады

Қазақстанның төрт өңірінде дауылды ескерту жарияланды. 17 сәуірге арналған ауа-райы болжамын "Қазгидромет" жариялады, деп хабарлайды Zakon.kz.

Ақмола облысында кей жерлерге тұман түсіп, көктайғақ болады. Оңтүстік-батыстан соққан жел солтүстік-батысқа ойысады, түнде желдің жылдамдығы 15-20 м/с, күндіз көп жерде 15-20, кей жерлерде желдің есуі 23 м/с жетеді.

Ел астанасында түнде және таңертең тұман, көктайғақ күтілуде. 15-20 м/с дейін жел еседі.

Көкшетауда түнде және таңертең тұман, көктайғақ күтілуде. Дауыл ықтималдығы 85-90%.

Қызылорда облысының кей жерлерінде тұман, күндіз күн күркіреп, 95-100% дауыл тұрады.

Қостанай облысында тұман, көктайғақ болады. Солтүстік-батыстан есетін желдің жылдамдығы күндіз 15-20 м/с.

Қостанайда – солтүстік батыстан жел келеді, 15-20 м/с.

Батыс Қазақстан облысында солтүстік-шығыстан жел күтілуде, жылдамдығы 15-20 м/с.

Оралда 17 сәуірде солтүстік-шығыстан жел соғады деп күтілуде, желдің жылдамдығы 17 м/с болады.