Даниал Ахметов мәдениет және өнер қызметкерлерін мерекесімен құттықтады
© Сурет: ШҚО әкімдігінің баспасөз қызметі
Театр, бейнелеу өнері, музыка және әдебиет - халықтың нағыз қазынасы, ол мәдени-тарихи өткенімізді бейнелеп, бүгінгі күнімізді байыта түседі. 21 мамырда Қазақстанның мәдениет және өнер өкілдері өздерінің кәсіби мерекелерін атап өтеді.
Даниал Ахметов мәртебелі мамандық иелері жыл сайын отандық мәдениет пен өнердің дамуына, рухани байлығымыздың еселене түсуіне өлшеусіз үлес қосып келе жатқанын баса атап өтті.
Сурет: ШҚО әкімдігінің баспасөз қызметі
Олардың арқасында өміріміз ән мен күйге бөленіп, әрлене түсуде. Шығыс Қазақстан – танымал ақын-жазушылардың, отандық әншілер мен әртістердің, театр майталмандарының мекені. Сондай-ақ, шығармашылық ұжымдар мен кітапханашылар, мұражай мен мәдениет үйлерінің қызметкерлері де өз істерінде үздік атанып келеді. Халықаралық, облыстық деңгейде өтіп жатқан ғылыми-мәдени жаңалықтарға ұйытқы болып, облыс мәртебесін асқақтатып отыр. Барша мәдениет пен өнер қызметкерлерін кәсіби мерекелерімен құттықтаймын. Сіздерге сарқылмайтын шабыт пен өнер жолында жаңа табыстар тілеймін! ШҚО әкімі Даниал Ахметов
Сурет: ШҚО әкімдігінің баспасөз қызметі
Айта кетсек, бүгін Тоқаев бірқатар азаматтарға «Қазақстанның еңбек сіңірген қайраткері» атағын берді. Олардың арасында ШҚО азаматтары да бар. Атап айтқанда: «Ертіс концерт» КМҚК симфониялық оркестрінің бас дирижері Галсанов Александр Валерьевич, «Ә.Қашаубаев атындағы мемлекеттік филармония» КМҚК әншісі Өтуленова Мапруза Қадешқызы, «Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығы» РМҚК директоры– Шаңбай Тұрдықұл Қасенұлы.
Сурет: ШҚО әкімдігінің баспасөз қызметі
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:21, 19 наурыз 2024
Қоңқабаев бастаған боксшылар Бакудегі турнирге қатысады
-
17:11, 19 наурыз 2024
Алматыда Қаңтар оқиғасы бойынша ұсталғандарды азаптаған полиция қызметкерлері сотталды
-
16:55, 19 наурыз 2024
2024 жылы қанша қазақстандық әскери жиынға шақырылады
-
16:42, 19 наурыз 2024
Қазақстанда қандай ауылдар қала мәртебесін ала алады
-
16:29, 19 наурыз 2024
Петропавл тұрғыны мен банк қызметкері зейнеткерді интернет-алаяқтан құтқарды