Бүгін Ақтөбеде ауа сапасы нашарлайтыны ескертілді

09:15, 24 наурыз 2025

© Сурет: senate.parlam.kz

2025 жылы 24 наурызда Ақтөбе қаласында ауаның ластануының қолайсыз метеорологиялық жағдайлары күтіледі, деп хабарлайды Zakon.kz "Қазгидромет" РМК-ның баспасөз қызметіне сілтеме жасап.

Қолайсыз метеорологиялық жағдайлар (ҚМЖ) — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.

ҚМЖ жағдайында қала тұрғындарына мыналар ұсынылады:

ашық ауада, әсіресе магистральдардың немесе тас жол бойында жүруден аулақ болу;
балалар мен жүкті әйелдерге ұзақ серуендеуге кеңес берілмейді;
өкпенің созылмалы аурулары, жүрек-қан тамырлары аурулары және аллергиялық аурулармен ауыратын адамдар көшеде жүргенде өздерімен бірге дәрі-дәрмектерді алып жүруі керек;
ашық ауада физикалық белсенділікті шектеңіз;
дене шынықтыру және спорттық іс-шаралар жабық спорт кешендерінде жүргізілуі керек.

Бұған дейін 24-26 наурыз аралығында Астана, Алматы және Шымкентте қандай ауа райы күтілетіндігі жайлы жазған болатынбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!