БҚО-да аумақтық - қорғаныс бригадасының инфрақұрылымын дамытудағы жұмыстар басталды

Президент өз сөзінде "Біздің армиямыз жоғары технологиялы қару-жарақпен және әскери техникамен, соның ішінде бронды техникамен, ұшқышсыз басқарылатын ұшу аппараттарымен, қазіргі заманғы атыс қаруларымен жабдықталуға тиіс" - деп қорғаныс-өнеркәсіп кешенін нығайту қажеттігін атап көрсетті.

Елімізде 2017 жылғы 13 маусымда аумақтық қорғаныс әскерлері құрылған болатын. 2018 жылғы сәуірде әкімдіктердің жанындағы аумақтық қорғаныс құрамалары Қазақстан Республикасы Қарулы күштері аумақтық әскерлерінің әскери бөлімдері болып қайта құрылды.

Олардың міндетіне халықты, стратегиялық маңызы бар нысандар мен коммуникацияларды түрлі қауіп-қатерден және табиғи төтенше жағдайлардан қорғау кіреді.

БҚО облыс әкімі Нариман Төреғалиев Теректі ауданына қарасты Подстепное ауылында орналасқан 99250 әскери бөлімінің аумақтық инфрақұрылымдық кешені құрылысының символдық капсуласын салу рәсіміне қатысты.

Облыс әкімі барша әскери қызметшілерге ел игілігі мен қауіпсіздігін қамтамасыз ету жолында аянбай еңбек ете берулеріне сәттілік тіледі!