Биыл кәсіпкерлерге 2 трлн теңгеге жуық қолдау көрсетілді - президент

14:14, 5 желтоқсан 2025

MKZ: 1518217

© Сурет: akorda.kz

Президент Қасым-Жомарт Тоқаев кәсіпкерлікке көрсетілетін мемлекеттік қолдаудың маңыздылығына тоқталып, қолдау тетіктерінің тиімділігін арттыру қажеттігін айтты.

Мемлекет басшысының сөзінше, экспорттық нарықта бәсекеге қабілетті, отандық шикізатты пайдаланатын, сондай-ақ озық технологиялар трансферімен айналысатын кәсіпорындарға басымдық беру керек.

"Биыл „Бәйтерек" холдингі арқылы шағын және орта бизнесті қолдау көлемі шамамен екі триллион теңгеге жетті. Тікелей субсидиялаудан гөрі кепілдік беру құралдарына көштік", – деді Президент.

Оның айтуынша, тапсырмасы бойынша "Даму" қоры жанынан шағын және орта бизнеске, сондай-ақ ірі инвестициялық жобаларға арналған екі кепілдік қоры құрылды.

Аталған бағыт аясында 2 229 жобаға жалпы 400 миллиард теңгеден астам несие берілген. Оның 220 миллиард теңгеден астамы мемлекеттік кепілдікпен қамтамасыз етілген.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!