Биыл қазақтың біртуар әншісі Әміре Қашаубаевтың туғанына 135 жыл

21:30, 6 желтоқсан 2023
123

© Сурет: Facebook/Сәуле Исанова

Әлемді әнмен тербеткен ұлы дала дүлдүлі Әміре Қашаубаевтың туғанына 135 жыл толуына орай Алматыдағы орталық музейде көрме ашылды, деп хабарлайды Zakon.kz.

Мұнда әншіге тиесілі 30-ға жуық жәдігер бар. Оның көбін Қашаубаевтың туыстары әкеліп өткізген. Көрмеге келушілер, әсіресе, түпнұсқа күйінде сақталған әншінің жеке құжаттары мен домбырасына қызығушылық танытты. Мәселен, көрмедегі айна Францияға сапары кезінде сатып алған екен. Әміре Қашаубаев - шетелде ән салған алғашқы қазақ. 1925 жылы Парижде өткен ЭКСПО көрмесінде "Балқадиша", "Ағаш аяқ", "Бесқарагер", "Дудар-ай", "Жалғыз арша", "Үш дос", "Смет", "Қараторғай" әндерін әуелетіп, күллі әлемді тамсандырды. Көрменің ашылуында дәстүрлі әншілер Әміренің өзі сүйіп айтқан шығармаларын орындап берді, деп хабарлайды "Хабар 24".

"Сол кезде алып жүрген домбырасы , чемоданы, сол кездегі Мәдениет министрлігі бұйрығымен шығарылған пластинкасы мұрағаттық материалдар негізінде құралып отыр. Сонымен қатар, Әміре Қашаубаевтың өзінің Мәскеуге, Парижге барған кезінде сыртқа шығаруға арналған шетелдік төлқұжаттары сақталған". Мемлекеттік орталық музейдің этнология бөлімінің қызметкері Арайлы Балаева

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!