Батыс Қазақстан облысының жаңа әкімі тағайындалды

Ақорданың ресми сайтында Ғали Есқалиевтің Батыс Қазақстан облысының әкімі болып тағайындалғаны туралы Президент жарлығы пайда болды, деп хабарлайды Zakon.kz.

- Ғали Нәжімеденұлы Есқалиев Батыс Қазақстан облысының әкімі болып тағайындалсын, - делінеді ресми құжатта.

Есқалиев Ғали Нәжімеденұлы 1970 жылы 6 ақпанда Орал облысының Таловское ауылында туған.

1993 жылы Батыс Қазақстан облыстық ауылшаруашылығы институтын, 2009 жылы - экономист мамандығы бойынша Халықаралық бизнес академиясын бітірген.