Бас прокуратура: Бишімбаев аса қатыгездікпен кісі өлтірді деген күдікке ілінді
![](https://mail.kz/images/644a61a106ae8245e6d1a2521c15d6fd-slider.jpg)
© Сурет: ortcom.kz
2023 жылғы 30 қарашада Мәжіліс кулуарында ҚР Бас прокурорының орынбасары Жандос Өміралиев Ұлттық экономиканың экс-министрі Қуандық Бишімбаев пен оның туысы нақты қандай күдікке ілінгенін айтты, деп хабарлайды Zakon.kz тілшісі.
Жандос Өміралиев бұл істің мән-жайын айтпайтынын, себебі тергеуде құпия бар екенін айтты.
"Аса қатыгездікпен жасалған кісі өлтіру дерегі бойынша қылмыстық іс қозғалып, оның туысы да қылмыстың осы түрін жасырғаны және қылмыс туралы полицияға хабарламағаны үшін ұсталып, уақытша ұстау изоляторына қамалды. Сол күні ол қасында болған және полицияға ауыр қылмыс жасалғаны туралы хабарламаған. Оның үстіне бұл қылмысты жасыруға көмектескен", – дейді бас прокурордың орынбасары.
Прокуратура өкілі қылмыстық іс аясында зерттеу жұмыстары жүргізіліп жатқанын, соның қорытындысы бойынша тергеу органдары қосымша ақпарат беретінін айтты.
"Жауапкершілік жағынан – қылмыстық жауапкершілік. Бұл ауыр қылмыс – ерекше қатыгездікпен адам өлтіру – онда бас бостандығынан айыру санкциясы бар. Бишімбаевтың ісі Бас прокурордың ерекше бақылауында. Қылмыстық іс жүргізу кодексінің талаптарын ескере отырып, мен сотқа дейінгі тергеп-тексеру деректерін жария ете алмаймын, бірақ бұл іс апта сайын Бас прокурордың тікелей бақылауымен талқыланады деп айта аламын", – деді Жандос Өмірәлиев.
2023 жылғы 9 қараша күні БАҚ-тарда экс-министр Қуандық Бишімбаев әйелін өлтірді деп күдікке ілінгені жөнінде ақпарат тарады.
2023 жылғы 11 қарашада Астана қаласының мамандандырылған ауданаралық тергеу соты күдікті Қуандық Бишімбаевты 2 ай мерзімге күзетпен ұстау түріндегі бұлтартпау шарасын санкциялады.
Қасым-Жомарт Тоқаев Бишімбаев ісі бойынша Ішкі істер министрлігіне арнайы тапсырма берді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:56, 7 қыркүйек 2024
Ертең Астанада Жансүгіров көшесіндегі жол учаскесі бір тәулікке уақытша жабылады
-
17:39, 7 қыркүйек 2024
Қырғызстанда «Киборг» лақап атымен танымал қылмыс әлемінің мүшесі ұсталды
-
17:18, 7 қыркүйек 2024
Паралимпиада-2024: Раушан Қойшыбаева төртінші орын алды
-
16:42, 7 қыркүйек 2024
Маңғыстау облысында бір топ оқушы астан жаппай уланды
-
16:23, 7 қыркүйек 2024
GRECO Қазақстандағы сыбайлас жемқорлыққа қатысты алғаш рет баяндама жариялады