Байқоңырда әйелді көлік қағып, мерт қылды

00:50, 6 желтоқсан 2023
69

© Сурет: Zakon.kz

"Байқоңыр" кешені прокуратурасы жаяу жүргіншінің өліміне себеп болған жол-көлік оқиғасы бойынша қылмыстық іс қозғады, деп хабарлайды Zakon.kz.

Kia Cerato автокөлігінің 35 жастағы жүргізушісі Байқоңыр қаласы 6-ықшамаудандағы Гагарин көшесі бойымен келе жатып, жаяу жүргіншілер жолымен өтіп бара жатқан әйелді қағып кеткен.

Жоғары жылдамдықпен әйелді қағып кеткен сәт көшедегі бейнебақылау камерасына түсіп қалған.

Апат салдарынан ауыр жарақат алған жаяу жүргінші ауруханаға жеткізілді. Кейінірек оның отадан кейін комаға түсіп, қайтыс болғаны белгілі болды. Қазір тергеу амалдары жүріп жатыр.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!