Байден Техас мектебінде болған атыс құрбандарының отбасыларымен кездеседі

24 мамырда Техас штатының Увалде қаласындағы бастауыш мектепте атыс болды. Соңғы мәліметтер бойынша, 18 бала мен үш ересек адам құрбан болды, деп хабарлайды Zakon.kz.

АҚШ президенті Джо Байден Увалде қаласындағы бастауыш мектепте болған атыс салдарынан кемінде 21 адам қаза тапқан Техасқа бармақ ниетін растады, деп хабарлайды «Известия».

АҚШ-тың бірінші ханымы Джилл Байден екеуміз жақын күндері Техасқа барып, құрбан болғандардың отбасыларымен кездесіп, олардың қайғысын сезініп жатқанымызды көрсету үшін, мүмкін, оларға аз да болса жұбаныш сыйлайтын боламыз. Джо Байден

Бір күн бұрын американдық көшбасшы АҚШ азаматтарына қару-жарақ лоббиіне қарсы тұруға шақырды.

Президент сондай-ақ Техастағы бастауыш мектепте оқушылар мен ересектердің қазасына байланысты көңіл айтты. Ол 28 мамырға дейін үкіметтік ғимараттарда, әскери нысандарда және дипломатиялық миссияларда АҚШ жалауларын жартылай іліндіруді бұйырды.

Штат губернаторы Грегори Эбботттың айтуынша, шабуыл жасаған 18 жастағы Сальвадор Рома, Увальде орта мектебінің оқушысы, сондықтан ол ғимаратқа оңай кірген.

Бастауыш мектепте оқ атпас бұрын ол 66 жастағы әжесін де атқан. Ол тірі, бірақ жағдайы ауыр.