Азиада-2022: Қамшыбек Қонқабаев «алтынға» таласатын болады

20:12, 3 қазан 2023

© Сурет: olympic.kz

Қазақстан боксшысы Қамшыбек Қонқабаев Ханчжоуда (Қытай) өтіп жатқан 2022 жылғы Азия ойындарының финалына шықты, деп хабарлайды Zakon.kz.

92 келіден астам салмақ дәрежесінде жартылай финалдық жекпе-жекте Қамшыбек Қоңқабаев Үндістан боксшысы Бервал Нарендермен қолғап түйістіріп, әділ қазылардың бірауыздан қабылдаған шешімімен жеңіске жетті. Сондай-ақ ол боксшылар арасында олимпиадалық лицензияны алғашқы болып иеленді.

Осылайша, Қамшыбек Қоңқабаев Ханчжоуда өтіп жатқан Азиа ойындарында бокстан Қазақстан құрамасының алғашқы финалисі атанды және ол алтын медаль үшін таласатын болады. Оның финалдағы қарсыласы - өзбекстандық Баходир Жалолов.

Айта кетсек, Қамшыбек Қоңқабаев 2020 жылғы Олимпиада ойындарының қола жүлдегері, Әлем чемпионатының екі дүркін күміс жүлдегері (2017, 2019), Азия чемпионатының төрт дүркін (2017, 2019, 2021, 2022) күміс жүлдегері болып табылады, сондай-ақ әскери қызметшілер арасындағы әлем чемпионы (2014).

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!