Ауыл әкімі журналиске берген сұхбатынан кейін ауруханаға түсіп қалды

Солтүстік Қазақстан облысы Астрахан ауылдық округінің әкімі Руслан Қабатов инсульт алып, ауруханға түсті, деп хабарлайды Zakon.kz.

Ол 26 мамыр күні кешке ауруханаға түскен. Бұл Қазақстан халықтық партиясы Солтүстік Қазақстан облысы бойынша филиалының төрағасы Ерғали Жұмағұлов Facebook-те жазды.

Жұмағұловтың айтуынша, әкім аурухананың инсульт орталығында жатыр, жағдайы жақсарған.

Ерғали Жұмағұлов ауруханаға түскен әкімнің жағдайы мен оның "Обожаю" бағдарламасының авторы Асхат Ниязовке берген сұхбатымен байланыстыратындай жазба жариялаған.

Бағдарламаның шығарылымында бір әйел журналиске әкімдікте тазалықшы әйел айына 20 мың теңгеге жалақыға жұмыс істейтінін және қолғап пен жууға арналған заттарды өзі сатып алатынын айтқан.

Посмотреть эту публикацию в Instagram

Публикация от Асхат Ниязов (@asshot.inc)

Атышулы сұхбаттан кейін бірнеше күннен кейін Астрахан ауылдық округінің әкіміне қатысты қызметтік тергеу басталды.