Ауғанстан мен Иран шекарасында атыс болды

14:37, 28 мамыр 2023

© Фото: zakon.kz

Тәліптер мен ирандық әскерилер Ислам Республикасының Ауғанстанмен шекарасында оқ атысты. Салдарынан сарбаздар қаза тапты, жарақат алғандар бар, деп хабарлайды Zakon.kz.

Қақтығыс суға таластан туған. Оқты кім бірінші атқаны белгісіз. Қос тарап бірін-бірі айыптап отыр.

Оқиғадан кейін Иранның Белуджистан мен Ауғанстанның Нимроз аймағында орналасқан ірі шекара бекеті жабылды.

Ауғанстан ішкі істер министрлігінің баспасөз хатшысы Абдул Нафи Такор Иран тарапы бірінші болып оқ жаудырды деп айыптады.

Такор атыс кезінде екі елден екі адам қаза тақанын айтты, деп жазды Al Jazeera.

"Қазір жағдай бақылауда. Ислам әмірлігі (Ауғанстан) көршілерімен соғысқысы келмейді", - деді баспасөз хатшысы.

Кейін IRNA агенттігі екі ирандық шекарашының қаза тапқанын және екі ирандық бейбіт тұрғынның жараланғанын хабарлады.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!