Атырауда букмекерлік кеңсенің кассасы тоналды

3 желтоқсанда таңертең букмекерлік кеңсе қызметкері полицияға хабарласып, мекемеге қарақшылық шабуыл жасалғанын айтқан, деп хабарлайды Zakon.kz.

Тексеру барысында сағат 08:55 шамасында бетін тұмшалаған, шамамен 20-25 жастағы ер адам букмекерлік кеңсе қызметкеріне ас үй пышағын тақатып, кассадағы 143 мың теңгені алғаны, содан соң оқиға орнынан қашып кеткені анықталды.

Полиция қызметкерлері күдікті - қаланың 25 жастағы тұрғынын ұстады. Қазіргі уақытта ол уақытша тергеу изолтяторында. Аталған фактіге сәйкес ҚР ҚК-нің 192-бабы, 2-бөлігі бойынша қылмыстық іс қозғалды.

Тергеу шаралары қолға алынды.