Астанадағы Grand Slam турнирі: Аңсарбек Ғайнуллин қола медаль еншіледі

Қазақстандық дзюдошы Аңсарбек Ғайнуллин Астанада өтіп жатқан Grand Slam турнирінде қола медаль жеңіп алды, деп хабарлайды Zakon.kz.

Отандасымыз 73 келіге дейінгі салмақ дәрежесінде жүлдегерлер қатарынан көрінді.

Қола медаль үшін өткен белдесуде Ғайнуллин молдовалық Влад Митрудан басым түсті.

Осылайша, Қазақстан құрамасының қоржынында қазір үш медаль бар.

Бұған дейін 60 келіге дейінгі салмақта Талғат Орынбасар күміс жүлдеге ие болса, Шерзод Давлатов қола медаль алған еді.