Астанада тұрғын үй кешендерінің бірінің автотұрағында қанша көлік өртенгені белгілі болды

Астана қаласында 6 маусым күні "Кристалл" тұрғын үй кешенінің паркингінде 3 қойма үй-жайы мен 6 жеңіл автокөлік жанып кетті, жылу әсерінен тағы 4 автомобиль зақымдалды. Бұл жөнінде Zakon.kz сайтына ҚР ТЖМ баспасөз қызметі мәлімдеді.

Өрт 14-33-те оқшауланып, 15.02-де толығымен жойылды.

Алдын ала болжам бойынша "улы газдан улану" диагнозымен ауруханаға үш адам жеткізілді.

Өртті сөндіруге 70 өрт сөндіруші мен 18 техника жұмылдырылған.

Астанада 6 маусым күні Мұхамедханов көшесіндегі тұрғын үй кешенінің автотұрағынан өрт шықты. Елордалық өрт сөндірушілер оқиға орнына сағат 11:56-да аттанды.