Астанада 9-сынып оқушылары топ құрып, қатарластарына қырғидай тиюде. Полиция не дейді?

Әлеуметтік желіде елордалық мектеп-гимназиялардың бірінде жаппай ұрып-соғу фактісі тіркелген видео тарады, деп хабарлайды Zakon.kz.

Видеода бірнеше жасөспірім оқушы бала құрдастарын мазақ етеді. Куәгерлердің айтуынша, 15 жасөспірім тұрақты негізде өз қатарластарын ұрып-соғып, үркітіп-қорқытумен айналысады.

Zakon.kz редакциясы түсініктеме алу үшін Астана қаласы полиция департаментінің баспасөз қызметіне жүгінді.

Посмотреть эту публикацию в Instagram

Публикация от ASTANA | АСТАНА (@astana_press)

"Аталған факт бойынша оқиғаның барлық қатысушысы, тоғызыншы сынып оқушылары анықталды. Оқушылардан ата-аналарының қатысуымен сұрақ-жауап алынды, болған оқиғаның мән-жайы анықталып жатыр. Соның нәтижелері бойынша оқушылардың іс-әрекеттеріне алда құқықтық баға беріледі", деп жауап берді ведомстводан.