Астанада Құдайбердіұлы – Бурабай көшелерінің қиылысы жабылады

Астана қаласында жөндеу жұмысына байланысты Құдайбердіұлы – Бурабай көшелерінің қиылысы жабылады, деп хабарлайды Zakon.kz.

Елорда әкімдігінің ресми сайтының хабарлауынша, "Астана қаласының Көлік және жол-көлік инфрақұрылымын дамыту басқармасы" ММ "Оңтүстік-Шығыс (сол жағы) тұрғын алабы көшелерін салу және реконструкциялау" жобасын іске асыруда.

Осыған байланысты осы жылдың 25 наурызы мен 10 сәуірі аралығында аталмыш көшелердің қиылысында көлік қозғалысы ішінара жабылатын болады.

Сол сияқты жол-құрылыс жұмысын жүргізу кезеңінде №13, 47 бағдарларының қозғалыс сызбасы уақытша өзгертілді.

Өзгертілген қозғалыс схемасымен суреттен таныс бола аласыздар.

Сурет: Астана қаласы әкімдігінің баспасөз қызметі

Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет.