Астанада ер адам Абайдың нақыл сөздері жазылған стендті бүлдірді

Астанада ер адам Абайдың нақыл сөздері жазылған стендті бүлдірген. Мұндай әрекет сотта қоғамда наразылық тудырып, мәдени мұра нышанын қорлау ретінде бағаланды, деп хабарлайды Zakon.kz.

ҚР ІІМ баспасөз қызметінің хабарлауынша, елордада Сығанақ көшесіндегі аллеяда 49 жастағы ер адам конструкцияны сындырған және ұлы қазақ ақыны Абай Құнанбаевтың нақыл сөздері жазылған плакатты жыртып тастаған.

"Ол өз әрекетімен қоғам мен мәдени құндылықтарға ашық түрде құрметсіздік танытып, көрнекті тарихи тұлғаның рухына нұқсан келтірді. Мұндай қадам қоғамда наразылық тудырып, мәдени мұра нышанын қорлау ретінде бағалануы мүмкін. Аталған факт бойынша құқық бұзушыға қатысты әкімшілік хаттама толтырылды. Сот шешімімен ол 20 тәулікке қамауға алынды", делінген полиция хабарламасында.

Сондай-ақ жыл басынан бері елордада бөтен мүлікті қасақана бүлдіру бойынша 131 құқық бұзушылық тіркелгені айтылады.