Астанада балалар көпқабатты үйдің балконынан құрдастарын құлатқысы келген

Қазнет пайдаланушылары Астанадағы көпқабатты үйдің балконынан құрдастарын лақтырғысы келген балалар тобының мінез-құлқына таң қалды. Оқиғаға елордалық полиция департаменті түсініктеме берді, деп хабарлайды Zakon.kz.

Бейне бүгін, 2024 жылдың 9 қыркүйегінде Telegram арналардың бірінде жарияланды. "Sezim Qala" тұрғын үй кешенінің ауласында түсірілген кадрларда оқиғаны ұйымдастырып тұрған бала, құрдастарын өзінің "құлдары" ретінде таныстырады.

"Бүгін біз оны лақтырамыз... Танысыңыздар, бұл менің құлдарым. Олар оны көтеруге келісті... Оның өзі бізді "өз – өзіне қол жұмсауымызды" сұрады", — деді бала.

Сонымен бірге, жәбірленуші ретінде таңдалған адам оны тастауға келісе ме деген сұраққа басын теріс бұлғады. Осыған қарамастан, бір топ балалар құрдастарының қолдары мен аяқтарын ұстап, үшінші қабатқа көтерілді. Бақытымызға орай, бала ауыр болып олар оны көтере алмады, бірақ балалар оның курткасын үшінші қабаттан лақтырған.

Баланың ата-анасы полицияға барып, кінәлілерді жазалауды талап етті.

Сондай-ақ, бейнежазбаны көрген әлеуметтік желі қолданушылары да балаларды, ата-аналарымен бірге жазалауға шақырды:

• Масқара
• әке-шешелері шаруасы жоқ мына балалармен, тамақ-киім әпергенге мәз өздері!э
• Балаға қой бұның болмайды, қажет кезде тәйт деп сес көрсету керек.
• Балалармен қоса ата аналарында жазалау керек
• Шыныменде бала құлап кеткенде не болар еді. Қазір балдар телефоннан неше түрлі ойын, видеоларды көріп, соны жасап көрмекші болғанығой. Балдарға сенуге болмайды. Қаспен көздің арасында бірдеңе бүлдіріп отырады.
• Әрқашанда балаларды қайтаратын жерде қайтарып, ұрсатын жерде ұрсып, сипайтын жерде сипау керек.

"Бұл факт тіркелді, тексеру жүргізілуде. Оқиғаның барлық қатысушылары анықталды, заңды өкілдердің қатысуымен мән-жайлар анықталды. Нәтижелері бойынша заңнамаға сәйкес шаралар қабылданатын болады".Астана ПД баспасөз қызметі

Бұған дейін Атырауда жеке балабақшалар бөтен балалар үшін миллиондаған сомаға мемлекеттік тапсырыс алып келгені белгілі болды.