Астана полициясы ҰҚК қызметкерінің өлімін тергеп жатыр

2025 жылдың 21 сәуірінде елордалық тұрғын үй кешенінің ауласынан ҰҚК қызметкерінің денесі табылды, деп хабарлайды Zakon.kz.

ҰҚК баспасөз қызметі ведомство қызметкерінің қайтыс болғанын растады.

"Полиция органдары сотқа дейінгі тергеуді бастады. Болған оқиғаның мән-жайы нақтыланады", – делінген ақпаратта.

Ұлттық қауіпсіздік комитеті қосымша мәліметтерді берген жоқ.

Бұған дейін Шымкент қаласы әкімінің орынбасары Руслан Берденовқа оқ тиіп, ауруханаға түскендігі жайлы жазған болатынбыз.