Аружан Сағандықова Тунистегі турнирдің екінші айналымында сүрінді

Қазақстандық теннисші, әлемнің 792-ракеткасы Аружан Сағандықова Монастир (Тунис) ITF турнирінің екінші айналымындағы матчын өткізді, деп хабарлайды Zakon.kz.

Аружан Сағандықова ширек финалға шығу үшін әлемнің 347-інші, жарыстың 1-ракеткасы, румыниялық Андреа Присакариумен кездесті.

Ол қарсыласынан 6:2, 4:6, 6:0 есебімен ұтылды.

Айта кетейік, Аружан алғашқы айналымда дүниежүзілік рейтингіде 929-орында тұрған италиялық Камилла Санолинимен шеберлік байқасқан еді.

Қазақстандық теннисші қарсыласын 6:4, 6:2 есебімен сүріндірді.

Бұған дейін тағы бір қазақстандық теннисші Денис Евсеевтің Португалиядағы турнирдің ширек финалына шыға алмағанын жазған едік.