Арал ауданының прокуратурасымен тариф төмендетілді

Қызылорда облысы Арал ауданының прокуратурасы аудандық мәслихаттың шешімімен бекітілген тұрмыстық қатты қалдықтарды қайта жарату бойынша тарифтердің заңдылығына талдау жүргізді.

Талдау арқылы тарифтің негізсіз жоғарылатылғаны анықталған, бұл тұтынушылар тарапынан заңсыз төлемдер төлеуге әкелген.

Прокурорлық қадағалау актісі бойынша аудандық мәслихат жаңа шешім қабылдады. Онда ТҚҚ бойынша тарифтер төмендетіліп, нәтижесінде 40 мың жеке және заңды тұлғалардың құқықтары қорғалды.