Алматылық полицейлер заң бұзған бірқатар жүргізушіні анықтады - видео

Алматылық полицейлер танымал даңғылдардың бірінде "тар мойын" әдісі арқылы тексеріс жүргізіп, бірқатар құқықбұзушылықтарды анықтады, деп хабарлайды Zakon.kz.

Қалалық Полиция департаментінің мәліметінше, түнгі уақытта қаланың негізгі көлік магистральдарының бірі – Абай даңғылында полиция қызметкерлері күшейтілген бақылау шараларын өткізді. Шығыс және батыс бағыттарында арнайы сүзгілік бекеттер қойылып, көліктер "тар мойын" әдісі арқылы тексерілді.

"Іс-шараның басты мақсаты – жол қауіпсіздігін қамтамасыз ету, өрескел жол қозғалысы ережелерін бұзу фактілерін анықтау және жолын кесу. Әсіресе мас күйде көлік басқару, есірткілік масаңдық белгілері бар жүргізушілерді анықтау, сондай-ақ техникалық ақауы бар және заңсыз қараңғылатылған көліктерге ерекше назар аударылды",- делінген ақпаратта.

Профилактикалық рейд барысында көлік құралдары жан-жақты тексерілді. Жұмысқа эвакуаторлар мен қызметтік иттері бар кинологиялық бөлім қызметкерлері де жұмылдырылды.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty_police_department)

Бұған дейін Алматыда 71 жастағы зейнеткер өз-өзіне қол жұмсағанын жазғанбыз.