Алматыдағы өрт салдарынан қаза тапқандар қай ел азаматтары екені белгілі болды

11:31, 30 қараша 2023
88

© Сурет: Zakon.kz

Алматы қалалық полиция департаменті хостелдегі өрт салдарынан қаза тапқандардың жеке тұлғалары анықталғанын хабарлады.

Алматы қалалық полиция департаменті таратқан мәліметке сай, қайтыс болған 13 адамның төртеуі шетелдіктер (Ресей Федерациясының 2 азаматы және Өзбекстанның 2 азаматы). Тағы 9-ы – Қазақстан азаматтары.

"Сот-медициналық сараптама тағайындалды", - делінген Алматы қалалық полиция департаментінің хабарламасында.

Еске салайық, Алматыда 30 қараша күні таңертең ертемен Әди Шәріпов көшесінде орналасқан хостел өртенді. Өрт салдарынан 13 адам қаза тапты.

Алматы қалалық қоғамдық денсаулық сақтау басқармасы екі адам Алматы қалалық жедел шұғыл көмек көрсету ауруханасына жеткізілгенін хабарлады. Науқастың бірі көмірқышқыл газымен улану диагнозымен ауруханаға жатқызылды, жағдайы орташа ауырлықта, тұрақты. Екінші науқас барлық тексеруден кейін ұсыныстармен амбулаторлық емдеуге жіберілген.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!