Алматыдағы аудандардың бірінде су беру уақытша шектелді

Алматыдағы Медеу ауданында суық су беру уақытша өшірілді, деп хабарлайды Zakon.kz.

Судың уақытша болмауы жайлы "Алматы су" басқармасы мәлімдеді.

"Су құбыры желілерінде жоспарлы жұмыстар жүргізілуіне байланысты, 28 сәуір күні сағат 09:00-ден 17:00-ге дейін Медеу ауданының ВОАД – Халилулина көшесі – Бригадная көшесі – Кеңсай – Верненская көшесі шекарасындағы бөлігінде суық су беру уақытша тоқтатылады. Шектеу су құбырының жаңа желілерін пайдалануға енгізумен байланысты. Әлеуметтік нысандарға су автоцистерналармен жеткізіледі",- делінген ақпаратта.

Ведомство уақытша қолайсыздықтарға түсіністікпен қарауды сұрады.

Қосымша ақпарат алу үшін мына телефон нөміріне хабарласа аласыздар: 274-66-66.

Бұған дейін Алматыда дүкен өртеніп, қызыл жалын сол маңдағы қонақ үй мен банкті шарпи жаздағаны жайлы жазған болатынбыз.