Алматыда тұрғын үйлердің ауласындағы қоқыс контейнерлері толықтай жаңартылады

16:56, 9 желтоқсан 2023

© Сурет: Алматы қалалық әкімдігі

Алдағы 2024-2025 жылдары Алматыда 4 238 еуроконтейнердің орнына 2 119 тереңдетілген жаңа үлгідегі контейнерлер орнатылады, деп хабарлайды Zakon.kz.

Бұл туралы Алматы қаласы әкімінің орынбасары Әлішер Әбдіқадыров айтты.

"Қалада барлығы 8 003 контейнер бар, оның 18%-ы немесе 1 410 контейнер тереңдетілген. Аула аумақтарының санитарлық және эстетикалық жағдайын қамтамасыз ету үшін біз қолданыстағы контейнерлер паркін тереңдетілгендерге ауыстыру міндетін қоямыз. 3 жыл ішінде біз оларды қызмет көрсету мүмкіндігі бар жерлерде орната отырып, олардың үлесін 80-85%-ға жеткізуді жоспарлап отырмыз", — деді Әлішер Әбдіқадыров.

Оның деректері бойынша, 2024 жылы жаңа 1090 контейнер, ал 2025 жылы -1 029 контейнер орнатылады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!