Алматыда тұрғын үй құрылысы 10,3%-ға қысқарды

2024 жылдың қорытындысы бойынша Алматыда 2,4 млн шаршы метр тұрғын үй алаңы тапсырылды, бұл 2023 жылмен салыстырғанда 10,3%-ға аз, деп хабарлайды Zakon.kz.

Бірінші кредиттік бюро дерегінше, 2015 жылдан 2021 жылға дейін Алматыда пайдалануға берілген тұрғын үй көлемі тұрақты өсіп, орташа қарқыны жылына 10,7%-ды құрады. Тұрғын үйді пайдалануға берудің алғашқы төмендеуі 2022 жылы болды (минус 27,3%). Бұдан кейін тек теріс динамика қалыптастып отырған: бұл кезде бүкіл ел бойынша көрсеткіш 7,4%-ға қысқарды, бұл негізінен құрылыс материалдары бағасының өсуі есебінен деп түсіндірілді. Ағымдағы төмендеу республикалық көрсеткіштің 6,4%-ға өсуі аясында байқалады.

Қалай болғанда да, мегаполисте тұрғын үй әлі де көп бой көтеруде. Мысалы, 2015 жылғы 1,4 млн шаршы метр қазіргі деңгейден 43%-ға төмен.

Айта кетейік, 2024 жылдың көктемінде Алматы әкімі Ерболат Досаев қалада тұрғын үй құрылысы қарқынының төмендеуін түсіндірді. Әкімнің айтуынша, тұрғын үй құрылысы мен іске қосу қарқынының төмендеуі 2023 жылдың мамыр айында қабылданған Алматының 2040 жылға дейінгі Бас жоспарына және бекітілген егжей-тегжейлі жоспарлау жобаларына сәйкес қала құрылысының жаңа талаптарына байланысты. Мемлекет басшысының объектілердің сейсмикалық қауіпсіздігін күшейту, нүктелік құрылысты болдырмау және қаладағы экологиялық жағдайды жақсарту, сондай-ақ Алматының көп орталықты дамуы жөніндегі тапсырмаларын орындау шеңберінде тұрғын үйді 2023 жылы 2,5 млн шаршы метрден 2025 жылы 2 млн шаршы метрге дейін қысқарту көзделген.

Бұл ретте, 2024 жылы Қазақстанда құрылыс жұмыстарының көлемі 13,1%-ға артып, 8882,4 млрд теңгені құрады.

Бұған дейін Еңбек министрлігі мүгедектік және асыраушысынан айырылу бойынша төленетін әлеуметтік төлемдердің көлемін айтқан болатын.