Астанада сол жағалауда қар жинайтын трактор өртенді

20 қаңтарда Астанада сол жағалауда қар жинайтын трактор отқа оранды, деп хабарлайды Zakon.kz.

ҚР ТЖМ мәліметінше, Есіл ауданының Қабанбай батыр даңғылы мен Қорғалжын тас жолы қиылысында трактордың қозғалыс бөлігінен от шықты.

"Құтқарушылар жануды жедел түрде сөндірді. Зардап шеккендер жоқ, себебі анықталуда. ТЖМ автокөлік иелерін өрт қауіпсіздік ережелерін сақтауға шақырады", делінген хабарламада.

19 қаңтарда ас әзірлеп жатып, бір шаруамен сыртқа шығып кеткен елордалық пәтерін өртеп ала жаздағанын жазғанбыз.