Алматыда өрт болды: тұрғындар эвакуацияланып, зардап шеккендерге көмек көрсетілді

Алматының Алмалы ауданындағы Әди Шәріпов көшесінде кабель шахтасынан өрт шықты. Алғашқы өрт сөндіру бөлімшелері шақырту түскеннен кейін бес минуттан соң оқиға орнына жетті, деп хабарлайды Zakon.kz.

ҚР Төтенше жағдайлар министрлігінің мәліметінше, құтқарушылар барлау жұмыстарын жүргізіп, адамдарды эвакуациялап, құтқарды. Өрт ошағын анықтау үшін жылу түсіргіш құрылғылар қолданылды.

Сурет: Zakon.kz.

Министрліктің хабарлауынша, өрт толығымен сөндірілді.

Сурет: Zakon.kz.

Оқиға орнында медицина қызметкерлері зардап шеккен адамдар мен жануарларға көмек көрсеткен. Бір мысықты құтқару мүмкін болмағаны хабарланды.

Сурет: Zakon.kz.

Бұған дейін Еуропада аптап ыстық пен өрт салдарынан ескі бомбалардың жарыла бастағаны хабарланған болатын.