Алматыда коммуналдық көлікпен соқтығысқан жүргізуші зардап шекті

2026 жылғы 10 қыркүйек күні түнде Алматыда Exeed VX кроссовері көшені тазалап жүрген коммуналдық техникамен соқтығысты, деп хабарлайды Zakon.kz.

Жол-көлік оқиғасы Рысқұлов даңғылында, Емцов көшесіне жетпей болған. Кроссовер батыс бағытта келе жатып, жоғары жылдамдықпен коммуналдық қызмет көлігіне соғылған.

Сурет: Zakon.kz.

Куәгерлердің айтуынша, жүргізуші қауіпсіздік белдігін дұрыс тақпаған. Белдік арқасының артында болғандықтан, соқтығыс кезінде жүргізуші алдыңғы әйнекке ұшып кеткен.

Сурет: Zakon.kz.

Апат салдарынан тек кроссовер жүргізушісі зардап шекті. Оған алғашқы медициналық көмек көрсетілді.

Сурет: Zakon.kz.

Жол-көлік оқиғасы рәсімделгеннен кейін коммуналдық қызмет мамандары көшені тазалау жұмыстарын жалғастырған.

Сурет: Zakon.kz.

Сурет: Zakon.kz.

Дәл осы түні Алматыда тағы екі жол апаты болды. Hyundai Veloster көлігі жоғары жылдамдықпен бетон жол бөгетіне соғылып, жол бойындағы белгіні қағып кеткен.

Тағы бір ауыр жол апаты Hongqi E-QM5 таксиі мен Hyundai Sonata көлігінің қатысуымен болған.