Алматыда қоғамдық-саяси іс-шараларға қатысып жүрген «дөкей» алаяқ түрмеге тоғытылды

Түрксіб аудандық сотында пробация қызметінің А.Әпсейітовқа қатысты бұрын тағайындалған жазаны шартты түрде жазамен ауыстыру туралы ұсынысы қаралды. Өтініш пробация режимі талаптарының бірнеше рет бұзылуына байланысты ұсынылды, деп хабарлайды Zakon.kz.

Сотталған азаматтың уәкілетті органға хабарламастан әкімшілік-аумақтық бірлік шегінен тыс жерлерге шығып, ойын-сауық мекемелеріне барғаны және өзін "Президенттің сыбайлас жемқорлыққа қарсы саясатына жәрдемдесу орталығы" КММ төрағасының кеңесшісімін" деп таныстырғандығы және Қазақстан Республикасының құрметті азаматы ретінде іс-шараларға қатысып, телеарналарға сұхбат бергені анықталды.

Бұған дейін Әуезов аудандық сотының 2023 жылғы 2 қарашадағы үкімімен А.ҚР ҚК-нің 190-бабының 4-бөлігінің 2-бөлігі, "Алаяқтық" бойынша кінәлі деп танылып, 5 жылға шартты түрде бас бостандығынан айыру жазасы тағайындалған.

"Сот шешімімен пробация қызметінің ұсынысы қанағаттандырылды.Шартты жаза нақты жазаға ауыстырылды. Жазаны өтеу мерзімі 2024 жылдың 4 қарашасынан бастап есептеледі", делінген Алматы соттары хабарламасында.

Бұған дейін Астанада жұмысшылары қаза тапқан құрылыс компаниясының директоры сотталғаны хабарланған.