Алматы мен тағы бірнеше қалада ауа сапасы нашарлауы мүмкін

Бүгін "Қазгидромет" РМК мамандары төрт қаланың тұрғындарына ескерту жасады. Бұған атмосферада ластаушы заттардың жиналуына ықпал ететін метеорологиялық жағдайлар себеп болып отыр, деп хабарлайды Zakon.kz.

Мамандардың мәліметінше, 2026 жылғы 6 қараша, жұма күні Қазақстанның төрт қаласында атмосферада ластаушы заттардың жиналуына ықпал ететін метеорологиялық жағдайлар күтіледі.

Атап айтқанда:

• Алматыда;
• Талдықорғанда.

Ал түнде:

• Павлодарда;
• Өскеменде қолайсыз метеорологиялық жағдайлар болжанады.

Қолайсыз метеорологиялық жағдайлар (ҚМЖ) – атмосфералық ауаның жерге жақын қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (желсіздік, баяу жел, тұман, инверсия) үйлесуі.

Айта кетейік, 2026 жылғы 5 қарашада қолайсыз метеорологиялық жағдайлар Астана, Алматы және еліміздің тағы алты қаласында болжанған болатын.